İslamazeri.az-ın “Mehr”-ə istinadən verdiyi xəbərə əsasən, ABŞ-ın Mosul əməliyyatına müdaxiləsindən xəbər verən Şeyx əl-Kəbi deyib: “Ölkənin baş naziri Heydər əl-İbadi könüllü xalq dəstələrinin (Həşdi-Şabi) Mosul əməliyyatında iştirakını təsdiqləsə də, ABŞ bu məsələyə müdaxilə edir. ABŞ ölkəmizdə daimi bazasının olması üçün çalışır. Onlar bu bazanın məhz Mosulun əl-Qiyarə bölgəsində olmasını nəzərdə tuturlar. Onlar bilirlər ki, Həşdi-Şabi Mosul əməliyyatında olarsa, onların bu planı baş tutmayacaq.”

Türkiyənin İraq torpaqlarına daxil olmasına da toxunan əl-Kəbi deyib: “Mətbuat Türkiyə ordusunun ölkəmizdən geri çəkildiyini desə də, belə deyil. Həşdi-Şabi Mosul şəhərini terrorçulardan təmizlədikdən sonra, növbə Türk işğalçılarına gələcək.”