İslamazeri.az-ın ABNA-ya istinadən verdiyi xəbərə görə, İslam peyğəmbəri Hz Məhəmməd (Allahın salamı ona və Əhli-beytinə olsun) həyatından bir hissəni özündə əks etdirəcək filmin çəkilişləri başa çatmaq üzrədir.

İranlı kinomatoqrafların səhnələşdirdikləri filmi 2015-ci ildə  Almaniyada film sevərlərə təqdim etmək niyyətində olduqlarını açıqlayıblar.

Sözü gedən film, İranın indiyədək ən yüksək büdcəli filmidir.  Film ilk olaraq 2015-ci ilin fevral ayında Tehranda baş tutacaq Beynəlxalq Fəcr Film Festivalında təqdim ediləcək. 

Filmin rejissoru isə məşhur iranlı refissor Məcid Məcididir. Filmin musiqisini məşhur Hind müğənnisi A.R. Rahman və İran əsilli İngilis müğənnisi Sami Yusuf üzərinə götürüb. 

Çəkilişləri 3 ildir davam edən "Həzrəti Muhəmməd " filmi, İslam peyğəmbərinin 12 yaşına qədər olan hadisələrdən bəhs edəcək.  Film fars, ərəb və  ingilis dillərində kinoteatrlara təqdim olunacaq.