haberL haberR

İdman biletlərini baha satmağın cəriməsi artırıldı

Kateqoriya: Kriminal Yayımlama tarixi: 20.10.2015 13:44:06

Milli Məclisin oktyabrın 20-də keçirilən iclasında bununla bağlı İnzibati Xətalar Məcəlləsinə təklif olunan dəyişiklik qəbul olunub

Azərbaycanda kütləvi idman tədbirlərinə və idman yarışlarına giriş biletlərinin saxtalaşdırılması, yaxud müəyyən edilən tariflərdən yüksək qiymətə satılmasına görə tutulan cərimələrin miqdarında dəyişiklik edilib. İslamazeri.az report-a istinadən xəbər verir ki, Milli Məclisin oktyabrın 20-də keçirilən iclasında bununla bağlı İnzibati Xətalar Məcəlləsinə təklif olunan dəyişiklik qəbul olunub.

Kütləvi idman tədbirlərinə və idman yarışlarına giriş biletlərinin saxtalaşdırılmasına görə, fiziki şəxslər 500 manat, vəzifəli şəxslər 2000 manat, hüquqi şəxslər 5 000 manat miqdarında cərimələnəcəklər.

Kütləvi idman tədbirlərinə və idman yarışlarına giriş biletlərinin "Bədən tərbiyəsi və idman haqqında" qanuna uyğun olaraq müəyyən edilmiş tariflərdən baha qiymətə satan fiziki şəxslər 700 manat, vəzifəli şəxlsər 1500 manat, hüquqi şəxslər 6 000 manat cərimə olunacaqlar.

Kütləvi idman tədbirlərinə və idman yarışlarına giriş biletlərini müəyyən edilən tariflərdən yüksək qiymətə satan fiziki şəxslərin cəriməyə cəlb olunması ilk dəfədir tətbiq edilir. Hazırda qüvvədə olan maddə bu sahədə qanunun tələblərini və qaydaları pozan fiziki şəxslərin cərimələnməsini nəzərdə tutmur.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.