Dünən ilk açıqlamalarda terror aktının kommunist bir qız törətdiyi önə çəkilirdi.

İslamazeri.az-ın Türkiyə mediasına istinadən verdiyi xəbərə görə, bu gün terrorçu kamikadzenin cəsədinə baxış zamanı ilk açıqlamada adı açıqlanan Elif Sultan Kalsenin ailəsi cəsədin onların qızlarına aid olmadığını bildiriblər.

Bu açıqlamadan sonra, terrorçu qadının sələfi qruplaşmalara bağlı olduğu məlum olub.

İlkin məlumatlara görə, terrorçu çeçen qadın İŞİD-ə bağlı olub.

Qeyd edək ki, dünən kommunist saytlarından birinin səhifəsində terrorun onlar tərəfindən törədildiyi bildirilib. Sonradan məlum olub ki, bu saytlar hakerlər tərəfindən ələ keçirilib və "etiraf açıqlaması" məlumatları yerləşdirilib.

Göründüyü kimi, kimlərsə İŞİD-in cinayətini gizlətmək məqsədilə Elif Sultan Kalsenin adını mediaya ötürüb, bundan sonra da kommunist saytlar hakerlər tərəfindən ələ keçirilib.