İslamazeri.az-ın "Fars" agentliyinə istinadən verdiyi xəbərə əsasən, bu sözləri Tehranın bu həftəki cümə xətibi Ayətullah Kazım Siddiqi deyib.

O imperialist qüvvələrlə mübarizə aparmağın vacibliyindən söz açaraq daha sonra deyib: "Quran bizə tövsiyyə edir ki, bu qüvvələrin gülüşünə güvənməyək. Çünki möminin söykənəcəyi yer Allahdır. İmam Xomeyninin (r) yolunu yalnış tanıtdıranların və mənfur sifətli Amerikanın üzünü bəzəyən şəxslərin vay halına. Rəhbərimiz də bu barədə hamımızın diqqətli olmasını bildirdi. Bəziləri İran inqilabının artıq bitdiyini söyləyirlər. Bilsinlər ki, bitən və tükənən onların özləridir. Bu inqilab hələ yeni başlayıb və biz onun sahibinin intizarındayıq. Bizim xalqımız zalımlarla mübarizə etməkdən və inqilabı müdafiə etməkdən heç vaxt əl çəkməyəcəklər. Minlərlə şəhid verən, Amerikalıları əməli baxımdan çökdürə bilən, "ABŞ-a ölüm olsun" şuarını mənimsəyən və müxtəlif sahələrdə inkişaf edən bir ölkə bütün bunlardan sonra zillətə boyun əyə bilməz. İnqilabımız hazırda irəliyə doğru gedir və geriləmək bizə yaraşmaz. Zəmanəmizin Bəni Üməyyəsi  Amerikadır. İsrail və ABŞ-ın cinayətləri elə  Şimrin cinayətləridir. İmam Hüseyn (ə) yolu isə daima yolu aydınladandır. Millətimiz Amerika və digər düşmənləri məğlub edəcəyinə imam və şəhidlərə söz verib."

İmam cümə Məkkədə baş verən hadisəyə də toxunaraq deyib: "Təəssüf olsun ki, müsəlmanlar bəzən yanğın, bəzən Səud əsgərlərinin zəvvarlara hücumu ilə qəmlənirlər. Elə bu dəfəki hadisədə də Səudiyyə Ərəbistanının əli mövcud idi. Məkkə hadisəsində dünyasını itirən iranlı alim mərhum Hatəmi, uçuş və müdafiə məsələlərində misilsiz idi. Zəhmətlərinin mükafatını da ordaca aldı."

Əqsa məscidinə sionistlər tərəfindən olunan hücumlara da toxunan Ayətullah Siddiqi bildirib: "Sionist rejim heç bir sərhəd və qırmızı xətləri tanımır. BMT sanki ölüb. Elə həmin BMT Yəməndə baş verənlər müqabilində də susub. Sionist rejiminə xitabən deyirəm ki, bu addımlarınız sizə qarşı olan nifrətləri artırır, ömrünüzü isə qısaldır. Tam əminliklə deyirəm ki,25 ildən az bir ildə aradan gedəcəklər."