İslamazeri.az-ın İran mətbuatına istinadən verdiyi xəbərə görə, güclü təhlükəsizlik tədbirlərinin görülməsinə baxmayaraq, bu gün növbəti terror aktı törədilib. 

İkinci terror aktı da Kazimeyn şəhərində qeydə alınıb. Partlayıcı geyinmiş kamikadze ticarətlə məşğul olan insanların arasına daxil olaraq özünü partladıb. Terror aktı nəticəsində İmam Museyi-Kazimin (ə) hərəmindən qayıdan zəvvarlardan 19-u həyatını itirib, 50 nəfər yaralanıb. Bir neçə terrorçu hadisə zamanı zərərsizləşdirilib. 

Vəhhabi təkfirçilərinin hücumlarına baxmayaraq, Əhli-beyt (ə) ardıcılları imam Museyi-Kazimin (ə) şəhadəti ilə əlaqədar olaraq imanın hərəminə doğru hərəkət edirlər. Yol boyu yerli sakinlər zəvvarlara xidmət edirlər. 

Qeyd edək ki, daha öncə Bağdadın şimal-qərbində həzrətin qəbrini ziyarətə gedən zəvvarlara qarşı terror aktları törədilmişdi. Baş verən terror aktı nəticəsində 2 zəvvar həyatını itirib, 8 zəvvar isə yaralanıb.