haberL haberR

İmam Rzanın (ə) ziyarətgahında 15 xristian İslamı qəbul etdi

Kateqoriya: İslam Yayımlama tarixi: 21.06.2016 1:05:55

İmam Rzanın(ə) müqəddəs ziyarətgahının xarici zəvvarlar üzrə məsul şəxsi müqəddəs Məşhəd şəhərində 15 xristianın İslam dini və şiə məzhəbini qəbul etdiyini deyib

İslamazeri.az "SəhərTV"yə istinadən xəbər verirki, İmam Rzanın(ə) müqəddəs ziyarətgahının xarici zəvvarlar üzrə məsul şəxsi  Cavad Haşiminejad  İRNA-ya bildirib ki, cari günəş ilinin ilk rübundə İmam Rzanın(ə) ziyarətgahında 6 fərqli ölkədən cəmi 15 xristian İslam dinini qəbul edərək şiə məzhəbini seçiblər; onların 9-u qadın 6-sı usə  kişi oub.  Yenicə İslam dinini qəbul edənlər Almaniya, Portuqaliya, İsveç, Tailand, Livan, İtaliya və Efiopiya ölkələrindən Məşhədə gəliblər.

İmam Rzanın(ə) müqəddəs ziyarətgahının xarici zəvvarları üzrə məsul şəxsi  yenicə müsəlman olanların yaşlarının 25-50 arasında olduğunu bildirərək, onların əksəriyyətinin  İsveç vətəndaşı olduğunu qeyd edib. Haşiminejadın sözlərinə görə,  yenicə müsəlman olanlar geniş mütaliələrdən sonra müsəlman olmaq qərarını veriblər.

Haşiminejad başqa ölkələrin vətəndaşlarının xüsusilə mübarək Ramazan ayında şiə məzhəbinə meyl göstərmələrinin İslamın təsir gücünün son dərəcə dərin olmasının göstəricisi hesab edib.

"Bu zəvvarlara İmam Rzanın(ə) müqəddəs ziyarətgahında Qurani-Kərimin təfsiri, əxlaqiyyat mövzusunda çıxışlar, ictimai, tarixi, təlim və inanc mövzularında proqramlar təşikil olunur.", - deyə Cavad Haşiminejad əlavə edib.

Qeyd edək ki, hər il İmam Rzanın(ə) pak ziyarətgahı İrandan və İrandan kənar olan 27 milyon insan tərəfindən ziyarət edilir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.