haberL haberR

İran Suriya probleminin həlli üçün BMT-yə 4 maddəlik plan təklif etdi

Kateqoriya: Siyasət Yayımlama tarixi: 05.08.2015 12:58:16

İran Suriya böhranının həlli üçün 4 maddəlik təkliflə çıxış edib

İslamazeri.az "Əl-Məyadin"ə istinadən xəbər verir ki, yüksək rütbəli iranlı səlahiyyətli Suriya probleminin həlli üçün BMT-yə və beynəlxalq tərəflərə təklif etdikləri 4 maddəlik planı açıqlayıb.


Xəbərə görə, İranın təklif etdiyi həll planının maddələri aşağıdakı kimidir:

1- Təcili atəşkəs elan edilməsi və müharibənin dayandırılması,

2- Milli birlik hökumətinin qurulması,

3- Suriyadakı bütün etnik və məzhəbi təbəqələrin hüquqlarını təminat altına alacaq şəkildə konstitusiya islahatının aparılması,

4- Beynəlxalq müşahidəçilərin nəzarətində seçkilərin keçirilməsi.

İran xarici işlər nazirinin müavini Hüseyn Əmir Abdullahian "Alalam" televiziyasına daha əvvəl verdiyi açıqlamada hazırladıqları 4 maddəlik həll planının xarici işlər naziri Məhəmməd Cavad Zərif tərəfindən Birləşmiş Millətlər Təşkilatına və beynəlxalq tərəflərə təqdim olunduğunu açıqlamışdı. Abdullahian Suriyadakı mövcud reallıqlar əsasında yenilənmiş olan planın Suriya xarici işlər naziri Vəlid Müallimlə müzakirə ediləcəyini və Rusiya xarici işlər nazirinin müavini Mixail Boqdanovla da plan üzərində fikir mübadiləsinin aparılacağını söyləyib.

İranın müttəfiqlərini güclü şəkildə dəstəkləməyə davam edəcəyini bildirən Abdulahian Suriyada siyasi həlli məsələsində nikbin olduqlarını açıqlayıb.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.