İslamzeri.az-ın "Səhər TV"yə  istinadən verdiyi xəbərə görə, bu sözləri İranın yol və şəhərsalma naziri Abbas Axundi  deyib

Abbas Axundi Tehranda Azərbaycanın iqtisadiyyat və sənaye naziri Şahin Mustafayev ilə görüşdə iki ölkə arasında yol və nəqliyyat sahəsində əməkdaşlıqların genişləndirilməsi haqda deyib: "İran Azərbaycan yolu ilə dünya bazarlarına və Qara dənizə çıxışının təmin edilməsi üzrə təklifi araşdırılmalıdır."

" Bu layihənin icra edilməsi üçün bir konsorsiyum yaradılıb. Hazırda bu layihənin maliyyələşdirilməsi ilə bağlı qərar çıxarılmaqdadır." deyən İranlı nazir Rəşt-Astara dəmiryolu layihəsi haqda danışarkən deyib.

Azərbaycanın iqtisadiyyat və sənaye naziri Şahin Mustafayev də ölkəsinin Rəşt-Astara dəmiryolu layihəsinin icrasında sərmayə qoyuluşuna maraqlı olduğunu vurğulayıb: "Bu məsələnin reallaşdırılması üçün Azərbaycan və İranın müştərək iqtisadi əməkdaşlıq komissiyasının iranlı və azərbaycanlı həmsədrləri arasında danışıqlar aparılır."

İRNA-nın məlumatına görə, İran və Azərbaycan arasındakı illik ticarət dövriyyəsinin həcmi 270 milyon dollardır. İran iki ölkə arasındakı dini, tarixi və mədəni bağları nəzərə alaraq, ticarət əlaqələrinin həcmini 5 milyard dollara qədər artırmaq niyyətindədir