İslamazeri.az-ın “Sumiriyyanews”-a istinadən verdiyi xəbərə görə, bu barədə ölkənin xarici işlər naziri İbrahim Cəfəri səfirlərlə görüşündə deyib.

ABŞ, İngiltərə və Fransanın səfirləri ilə görüşdə Cəfəri deyib: “Türk qüvvələrinin torpaqlarımızda olmaları haqlarımızın aşkarcasına pozulması deməkdir. Bu qonşuluğa sığmayan bir addımdır. Dost ölkələr bu barədə daha ciddi mövqe sərgiləsinlər. İraq diplomatik olaraq məsələyə yanaşsa da, türk tərəfindən bir cavab verilmir. Buna dözməyə artıq səbrimiz tükənib.”

Xatırladaq ki, Türkiyə prezidenti Rəcəb Tayyib Ərdoğan İraqın Türkiyədən hərbi yardım istədiyini və bu istəyə cavab olaraq türk əsgərlərin İraqa daxil olduğunu bildirmişdi. Prezident daha sonra media ilə görüşdə jurnalistlərdən birinin İraq rəsmilərinin belə bir istəkdə olmadıqlarını bildirmələrini xatırlatdığında bildirmişdi ki, əgər bu sübut edilsə prezidentlik kürsüsündən imtina edəcək.