İslamAzeri.az AFP agentliyinə istinadən verdiyi xəbərə əsasən, İraq hərbçiləri İŞİD terror təşkilatı tərəfindən işğal edilmiş Fəllucə şəhərinə daxil olublar.

“Biz bu gün səhər tezdən Fəllucəyə girmə üzrə əməliyyata başlamışıq”, – deyə anti-terror xidmətinin rəsmi nümayəndəsi agentliyə bildirib. Məlumata əsasən, hərbçilər şəhərə 3 istiqamətdən daxil olublar.

İraq hərbçiləri Fəllucənin azad edilməsi üzrə əməliyyata bir həftə öncə başlayıblar. Bu vaxt ərzində ordu bir neçə yaşayış məntəqəsini azad edib. Bundan əlavə, İŞİD-in şəhər başçısı – Hacı Həmzə öldürülüb.

Ordu şəhərə hücumdan öncə sakinləri şəhəri tərk etməyə səsləyib. Bunu edə bilməyənlərə isə, terrorçuların bazalarından uzaq durmağı və evlərdən ağ bayraq asmağı məsləhət görüblər.