haberL haberR

İraq Mosul əməliyyatına hazırlaşır

Kateqoriya: Yaxın Şərq Yayımlama tarixi: 21.09.2015 11:10:50

ABŞ əsgərləri Mosul əməliyyatı üçün Ərbilə gəlməyə başlayıb

İslamazeri.az "Sputniknews"a istinadən xəbər verir ki, Mosulu qaytarma əməliyyatında vəzifə alacaq 90 ABŞ əsgərinin Ərbilin Mahmur rayonundakı hərbi düşərgəyə yerləşdirildiyi ifadə edilib.

İraq Parlamenti Müdafiə Komissiyasının üzvü Naif Şəməri "ABŞ əsgərlərinin Mosula yaxın bir yerdə yerləşdiyi məlumatını aldıq. Lakin Mosul əməliyyatına qatılıb qatılmayacaqları, İraq hökuməti və Mosul Şəhər Məclisinin qərarına bağlıdır",- deyib.

Şəməri daha əvvəl də koalisiya qüvvələri və ABŞ-ın kiçik hərbi birliklərinin təyyarələrlə Mosulun Rəbiyə nahiyəsinə endirildiyini xatırladaraq, "Bu birliklər İraq hökuməti, Kürdüstan bölgəsi və koalisiya qüvvələrinin meydana gətirdiyi əməliyyat birliyi tərəfindən istiqamətləndiriləcək. Mosul əməliyyatı üçün hazırlıqlar davam edir. Çox gecikəcəyini sanmıram.",- deyib.

ABŞ-ın xarici işlər nazirinin müşavir müavini Brett McGurk başçılığındakı hərbi heyət həftə içində Ərbildə İraq Kürd Regional Rəhbərliyi başçısı Məsud Barzani və Baş nazir Nəçirvan Barzani ilə görüşmüşdü.

Qeyd edək ki, İraqın ikinci ən böyük şəhəri olan Mosul 10 iyun 2014- cü ildə İŞİD terror təşkilatının əlinə keçmişdi. Mosulun qurtuluşu üçün təşkil ediləcək hərəkatın yaxın olduğu ifadə edilir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.