İslamazeri.az-ın “İraqinews”-a istinadən verdiyi xəbərə görə, İraqın Ənbar vilayətinin Ramadi şəhərinə dünən hücum etməyə cəhd göstəriblər. Ənbar vilayəti nümayəndəsi Sabah Krhot bildirib ki, Ramadi şəhərinə hücum edən 17 kamikadze daxil olmaqla, ümumilikdə 41 İŞİD terrorçusu məhv edilib.

Krhot bildirib ki, İraq ordusu və yerli qəbilə nümayəndələri Ramadi şəhərinə tam nəzarət edir və terrorçuların bütün  hücumlarına layiqincə cavab verməyə davam edir.

Qeyd edək ki, İŞİD terrorçuları 2014-cü ilin iyun ayından etibarən İraq ərazilərində Mosul şəhəri daxil olmaqla, bir neçə şəhəri işğal edib və digər şəhərlərə mütəmadi olaraq terrorçular hücum edirlər.  Bu ilin mart ayının 3-dən başlayan əməliyyatlar nəticəsində Tikrit şəhəri İŞİD-dən azad edilib.