İslamazeri.az "Telegraph" qəzetinə istinadən xəbər verir ki, dünən bir qrup silahlı şəxs Bağdadın şimalında yerləşən Binok ərazisində İraq ədliyyə nazirinin müavini Əbdülkərim Farisi qaçırıb.

Silahlı şəxslər onun sürücüsünə atəş açaraq yaralayıblar. Hadisə şahidi olan polis əməkdaşlarından birinin sözlərinə əsasən, silahlı şəxslər qara geyimdə olublar.
Xatırladaq ki, sentyabrın 1-də Bağdadda "Nurol Holding" şirkətinin əməkdaşı olan 18 türkiyəli fəhlə və mühəndis hərbi formada olan maskalı şəxslər tərəfindən qaçırılmışdı. Onlar haqqında hələ də məlumat yoxdur.