İslamazeri.az xəbər verir ki, Suriyada hökümət əleyhinə vuruşan terrorçuları dəstəkləyən İsrailin İnsan Haqları müvəkkili Elizabet Tsurkov "Tvitter"də terrorçulara qarşı vuruşan iraqlı şiələrin Darəyyanı terrorçulardan təmizlədikdən sonra Xanım Səkinənin (s.ə) dağıdılmış hərəminin önündə namaz qılmalarını tənqid edib.

İslaminSesi bildirir ki, Yaxın Şərqdə artıq 5 ildir qaynayan siyasət qazanında yağla suyun ayrılması artıq çox bəlli bir xarakter alıb. Bütün baş verənləri daha da qabarıq şəklə salan isə qarşı cəbhənin özü də bilmədən buraxdığı səhvlərdir. O səhvlər ki, onlar öz dilləri ilə harada və kimin tərəfində olduqlarının özlərinin belə fərqində olmadan meydana çıxarır. 

Elizabet Tsurkov İsrail İnsan Haqları müvəkkili təkfirçi qruplaşmalar Dəməşqin cənub-qərbində yerləşən Darəyya rayonunu tərk etdikdən sonra, bölgədə yerləşən həzrət Səkinənin  dağıdılmış hərəminin qarşısında camaat namazı qılınmasını öz "Tvitter" səhifəsində tənqid edib. Öz səhifəsində şiələrin sünni şəhərində etnik təmizləmə apardıqdan sonra namaz qıldıqlarını bildirib. 

Müvəkilin son ayda "Tvitter" paylaşımlarını nəzərdən keçirdikdə qarşımızda tamamilə başqa bir mənzərə canlandı. Elə bir müddət əvvəl "Nüsra Cəbhəsi"nin (yeni adı "Şamın Fəthi Cəbhəsi") "Tvitter" səhifəsinin Hələbdə uyğurlardan ibarət terrorçu qruplaşması ilə birlikdə Sement zavodu adlanan ərazini əldən verməsi xəbərinə bərk heyfislənir.

"Tvitter" hesabı tamamilə qonşu ölkənin daxili işinə qarışmaqdan ibarət olan bu xanım görəsən İnsan haqları üzrə müvəkkil olduğunu niyə unudub?! Bəyəm İsraildə yaşayan fələstinlilər insan deyil, yoxsa bu məsələni Elizabet xanım problem olaraq görmür?