16:00- İslamazeri.az-ın Türkiyə mediasına istinadən verdiyi xəbərə görə, İstanbulun Atatürk Hava Limanında törədilmiş terror akttında ölənlərin sayı 41 nəfər, yaralıların sayı isə 239 nəfərdir. Ölənlərin 12 nəfərinin xarici ölkə vətəndaşı olduğu önə çəkilir. 239 nəfər yaralıdan 109 nəfər artıq evlərinə buraxılıb. Məlumata görə, ölənlərin 5 nəfəri Səudiyyə, 1 nəfər Ukrayna, 1 nəfər İordaniya, 1 nəfər İran, 1 nəfər Tunis, 1 Doğu Türkistan,  1 nəfər Özbəkistan 1 nəfər isə İraq vətəndaşlarıdır.

03:55 - İslamazeri.az NTV-yə istinadən xəbər verirki,  İstanbulun Atatürk Hava Limanında törədilmiş terror akttında ölənlərin sayı 36 nəfər, yaralıların sayı isə 147 nəfərə çatıb. Türkiyənin baş naziri Binəli Yıldırım bu dəqiqələrdə mətbuat konfransı keçirib. Ölənlərin sayının 36 olduğunu deyən nazir çox sayda yaralı olduğunu önə çəkib. Yıldırım terror aktının İŞİD-ə işarə etdiyini də qeyd edib.

İslamazeri.az-ın Türkiyə mediasına istinadən verdiyi xəbərə görə, bu gün İstanbulun Atatürk Hava Limanında xarici reyslərin həyata keçirildiyi hava limanının ərazisində 3 hissəli terror aktı törədilib.

İstanbul valisi Vasip Şahinin bildirdiyinə görə, terror zamanı 28 nəfər ölüb, 60 nəfər isə yaralanıb.

Terror aktı 3 kamikadze tərəfindən həyata keçiridlyi önə çəkilir. Terror aktından sonra terrorçuların atəş açdığı da bildirilir.

Rəsmi açıqlama verilməsədə terrorun İŞİD tərəfindən törədildiyi böyük ehtimaldır.