Islamazeri.az-ın Unian-a istinadən verdiyi xəbərə əsasən, Ukrayna Təhlükəsizlik Xidməti və Sərhəd Xidməti əməkdaşları Xarkov şəhərinin hava-limanında, Türkiyədən gəlmiş iki Tacikistan vətəndaşını həbs ediblər. Onlar İŞİD terror təşkilatı ilə əlaqəlidirlər və Tacikistanda “islam” inqilabı hazırlayırdılar.

“Xarkov hava-limanında xidmət edən dövlət sərhəd xidmətinin əməkdaşları Ukrayna Təhlükəsizlik Xidmətinin və Milli polisinin əməkdaşları ilə birgə İŞİD terror təşkilatı ilə əlaqəli olan və İnterpol tərəfindən axtarışda olar iki Tacikistan vətəndaşını aşkarlayaraq həbs ediblər.”,  – deyə Dövlət Sərhəd Xidmətindən bildiriblər.

Cümə günü “Xarkov-avia” keçid məntəqəsində Xarkov dəstəsinin sərhədçiləri İstanbul-Xarkov reysini rəsmiləşdirən zaman İnterpolun məlumatlar bazasına daxil edilmiş iki Tacikistan vətəndaşını aşkarlayıblar.

Sərhəd xidmətinin məlumatlarına əsasən, sərhədçilər saxlanılanların üzərindən ərəb dilində mobil qurğu vasitəsi ilə işə salınan partlayıcı qurğuların hazırlanmasına dair video-dərslər və ekstremist tərkibli ədəbiyyat aşkarlayıblar.

“Nəticədə saxlanılanlar Tacikistanda “islam” inqilabı etmək niyyətində olduqlarına aydınlıq gətiriblər.”,  – deyə bildirilir.

Sərhədçilər baş vermiş hadisə haqda İnterpolu Kiyevdə yerləşən Ukrayna bürosuna məlumat veriblər. Yoxlamaların nəticələrinə əsasən müəyyən edilib ki, saxlanılanlar İŞİD-lə əlaqəli şəxslər kimi beynəlxalq axtarışda olublar.