haberL haberR

İstanbulda möhtəşəm Aşura mərasimi (Video -Foto)

Kateqoriya: İslam Yayımlama tarixi: 23.10.2015 18:36:43

Zeynəbiyyə prospektindən "Aşura meydanı"nda yerləşən "Yəhya Bayatlı" adına tədbir salonuna kimi yürüş keçirilib

İslamazeri.az-ın xüsusi müxbiri xəbər verir ki, hər il olduğu kimi, bu il də İstanbulda Halkalı bölgəsinin Zeynəbiyə qəsəbəsində izdihamlı Aşura mərasiminin keçirilib. Gecə saatlarından başlayan Aşura mərasiminin axşam saatlarına kimi davam etdiyi bildirlir.

Zeynəbiyyə prospektindən "Aşura meydanı"nda yerləşən "Yəhya Bayatlı" adına tədbir salonuna kimi müxtəlif heyətlər mərsiyə və şüar sədaları altında yürüş keçiriblər. Tədbirə Əhlibeyt alimləri, ictimai siyasi xadimlər və Türkiyədə yaşayan müsəlmanlar cəm olublar. Bundan başqa Zeynəbiyənin bütün küçələrində ehsan çadırları qurulmuş, müxtəlif heyətlər dəstə şəklində əzadarlıq ediblər.

Bu dəqiqəyə qədər bu mərasimlərdə hər hansı bir olay baş verməyib, həmçinin keçən illərə nisbətdə bu il İstanbulda Aşura mərasimlərinə gələn əzadarların təhləkəsizliyini təmin edən polis və hüquq mühafizə orqanlarının əməkdaşlarının sayı artırılıb. Bundan başqa, "Zeynəbiyə mühafizə" adlı qurum yaradılıb və polisdən başqa onlar da, mərasimlərə qatılanların üst və əllərindəki çantaları yoxlayırlar.

Qeyd edək ki, Məhərrəm ayının birinci günündə Türkiyə şiələrinin ən nüfuzlu alimlərindən və liderlərindən sayılan Səlahəddin Özgündüz İstanbulda baş verə biləcək terror aktlarına qarşı tərəfdarlarını, hüquq mühafizə orqanları və ümumilikdə Türkiyə dövlətini ayıq olmağa çağırmışdı. 

 

FOTOLAR

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.