İslamazeri.az saytının məlumatına görə, Aşura günü Kərbəla əyalətinin təhlükəsizliyi 25 min nəfərlik hərbi və könüllü qüvvə tərəfindən təmin ediləcəyi vurğulanıb.

İraq Cənub Bölgələri Əməliyyat Komandiri Osman əl-Qanimi məsələ ilə bağlı verdiyi açıqlamada, Kərbəlanın  təhlükəsizliyinin təmin edilməsində xalq könüllü qüvvələrinin də köməkçi olacağını, müxtəlif bölgələrdə nəzarət nöqtələri yaradıldığını söyləyib. "Məqsəd hər hansı bir terror hadisəsinin qabaqcadan müəyyən edərək təsirsiz hala gətirməkdir" deyə Osman əl- Qanimi bildirib.

Kərbəla əyaləti polis rəisi Məhəmməd Cəfər isə regionda baş verən son terror hadisələri ilə bağlı 6 nəfərin indiyə qədər saxlandığını açıqlayıb.