İslamazeri.az-ın "Frans-Press" agentliyinə istinadən verdiyi xəbərə görə, Livan təhlükəsizlik rəsmilərinin verdikləri açıqlamada təhlükəsizlik qüvvələrinin mayın 3-də İŞİD başçılarından sayılan İbrahim əl-Bərəkəyinin İŞİD üçün terrorçu toplama cinayətiylə həbs olunduğunu bildirilib. Əl-Bərəkəyinin saxta şəxsiyyət vəsiqəsi ilə Livanın şimalından Türkiyəyə qaçmaq istəyərkən yaxalandığı qeyd edilib.

Livan təhlükəsizlik rəsmiləri İbrahim əl-Bərəkəyinin ötən il Tripolidə Livan ordusuna qarşı təcavüzdə rolunun olduğunu söyləyiblər.

Qeyd edək ki, Livan ordusu, 2014-cü ilin aprel ayında Tripolidə sabitliyi təmin etmək və terrorçu qruplara qarşı mübarizə məqsədilə başlatdığı gərgin səylərini davam etdirir.