İslamazeri.az-ın RİA-ya istinadən verdiyi xəbərə əsasən, Liviya Milli Ordusunun komandanı Xəlifə Həftar verdiyi müsahibədə bildirib ki, Liviya ordusu İŞİD terror təşkilatı tərəfindən tutulmuş Siirt şəhərindəki hərbi əməliyyatlarda iştirak etmir, lakin əməliyyat aparanlara uğurlar arzulayır.

Həftar 2014-ci ildə seçkilərdə seçilmiş parlamentə sadiq orduya rəhbərlik edir. Siirtdə İŞİD-ə qarşı əməliyyatı BMT-in dəstəyi ilə Tripolidə yaradılmış Milli Birlik Hökumətinin qüvvələri aparır. Onların əsasını Misrata şəhərindən olan silahlı dəstələr təşkil edir.

"Biz hərəkət etməmək əmri almışıq. Sözsüz ki, Misratadan olan qüvvələrə onların missiyasında uğurlar arzulayırıq və onların verdiyi itkilərin acısını bölüşürük.", - deyə Həftar bildirib.

O qeyd edib ki, əməliyyat ordu ilə koordinasiya olmadan keçirilir. Komandan əlavə edib ki, daha sonra Silahlı Qüvvələr bütün silahlı dəstələrin öz tərkibinə daxil olması haqda razılaşmağa ümid edir.

Bildirilirdi ki, avqust ayının sonu Siirtdəki dəstələr İŞİD nəzarətində olan son rayonlara həlledici həmləyə başlamışdılar.