Magistraturaya qəbulun nəticələrinin təhlili

Kateqoriya: Ölkə Yayımlama tarixi: 15.05.2015 11:15:19

2015/2016-cı tədris ili üçün Azərbaycan Respublikasının ali təhsil müəssisələrinin magistraturalarına müsabiqənin nəticələri may ayının 13-də elan olunub

Bu barədə TQDK-nın mətbuat xidmətindən islamazeri.az-a məlumat verilib. Bildirilib ki, müsabiqə nəticəsində ixtisaslaşma seçimində iştirak edən 7179 bakalavrdan 5017 nəfəri respublika ali təhsil müəssisələrinin magistraturalarına qəbul olub. Qəbul olanlardan 3286 nəfəri ali təhsil müəssisələrinin builki, 1731 nəfəri isə əvvəlki illərin məzunudur. Onlardan 2073 nəfərini oğlanlar, 2944 nəfərini isə qızlar təşkil edir.

Bundan əlavə, 2 bakalavr idman sahəsi üzrə, 1 bakalavr isə incəsənət sahəsi üzrə yüksək səviyyəli beynəlxalq yarışların və müsabiqələrin qalibi olduğu üçün magistratura səviyyəsinin müvafiq ixtisaslarına müsabiqədənkənar qəbul olunub.

Qeyd edək ki, boş qalan yerlərə ixtisaslaşma seçimi 2015-ci il iyun ayının 22-dən 28-dək aparılacaq. Bu barədə bakalavrlara həmin ərəfədə ətraflı məlumat veriləcək.

Statistik təhlil barədə daha ətraflı məlumatıhttp://www.tqdk.gov.az/news/master/1318/ linkinə daxil olmaqla əldə edə bilərsiniz

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.