haberL haberR

Masallıda oğurluq və quldurluq tüğyan edir

Kateqoriya: Kriminal Yayımlama tarixi: 27.05.2015 18:27:38

Masallı rayonunda kütləvi oğurluq hadisələri davam edir

İslaamzeri.az cenubnews.com-a istinadən xəbər verir ki, rayonun Boradigah qəsəbəsində baş verən çoxsaylı oğurluq hadisələri yerli sakinləri dözülməz həddə çatdırıb.

 
Ötən gecə sözügedən qəsəbədə “ələ keçməz” oğrular kənd sakini Teymurov Əlipənah Xanış oğlunun evini çapıb talayıblar. Hadisə yerinə polis çağırılıb. Lakin polis yenə də sakinləri ümid verməklə sakitləşdirib. Oğruların isə Boradigahda çapıb-taladıqları evlərin sayı-hesabı itib. Onu da qeyd edək ki, cinayətkarlar yalnız qızıl-zinət əşyaları və pul oğurlayırlar.
 
Rayonun Ərkivan qəsəbəsində baş vermiş tükürpədici cinayətin üstü də hələ ki, açılmayıb. Xatırladaq ki, bu il yanvar ayının 25-i, gecə saat 03:30 radələrində Ərkivan qəsəbə sakini, 43 yaşlı İlqar Məmmədov və onun həyat yoldaşı - 35 yaşlı Qərənfil Məmmədovaya üç nəfər maskalı şəxs küt alətlə xəsarət yetirərək pul tələb ediblər. Cinayətkar dəstə evdəki uşaqların əl-ayağını, ağzını bağlayıb, onlara da fiziki güc tətbiq ediblər. Maskalı şəxslər ev sahibəsinin qızıl boyunbağını, üzüyünü, evdə olan 2 mobil telefonu və daha bir neçə qiymətli əşyanı qarət edərək aradan çıxıblar. Ev sahibləri ağır bədən xəsarətləri ilə Masallı Mərkəzi Rayon Xəstəxanasına yerləşdiriliblər.
 
Lakin ev sahibləri xəstəxanadan evə buraxılsalar da, yaşadıqları evə qorxudan gedə bilmirlər. Sözügedən cinayət hadisəsini törədən maskalı quldurlar hələ də tutularaq istintaqa təhvil verilməyib.
 
Əlavə edək ki, rayonda, xüsusən də Boradigah qəsəbəsində kütləvi qarətlər və quldurluq faktları barədə əvvəl xəbər vermişdik. 
Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.