İslamazeri.az-ın “Fars”-a istinadən verdiyi xəbərə əsasən, xarici işlər üzrə muavin Təxt Rəvançi ilə görüşən Ayətullah Məkarim Şirazi öz tövsiyələrini dilə gətirib: “Daxili cəbhənin bir olması üçün əlimizdən gələni etməliyik. Elə etməliyik ki, qarşıdan gələn seçkilərdə rəqabət olsun, lakin ixtilaf olmasın.”

İranın nüvə müzakirələrinə də toxunan Ayətullah Nasir Məkarim Şirazi belə deyib: “Bu müzakirələrdə qeydə alınan danılmaz faktlardan biri budur ki, bu razılıq tam olaraq bizim xeyrimizə oldu. Razılıq zamanı Qərb də özü üçün üstünlüklər əldə etmək istəyir. Bu işin bizim qırmızı xətlərimizə və şəxsiyyətimizə ziyan vurmayacağı ana qədər maneəsi yoxdur. Əlbəttə düşmən sui istifadə edə bilər. Buna hazır və diqqətli olmalıyıq. Onlar əlçəkən deyillər və razılığın müxtəlif cümlələrini öz mənafelərinə uyğun təfsir edəcəklər. Nazirlik buna hazır olmalı və baş verdiyi zaman dərhal bildirməlidir.”