İslamazeri.az-ın “Yeni Şafag”a istinadən verdiyi xəbərə görə, fəaliyyətini Qüds və Məscidül-Əqsa üçün fəaliyyət “Mirasımız” İctimai Birliyinin sədri Məhəmməd Dəmirçi mediaya açıqlama verərkən 2014-cü ildə Məscidül-Əqsaya edilən hücumların ötən illərə nisbətən artdığını bildirdi. O, bildirib ki, 2014-cü ildə hücumların sayı son həddə çatıb və məscid bu səbəblə ibadətə gələnlərin üzünə bağlanıb.

Xüsusən də, Ramazan ayının cümə günlərində təxminən 500 min nəfərin eyni zamanda namaz qıldığı məsciddə bu il sionistlərin təzyiqi artırması səbəbi ilə ibadətə gələnlərin üzünə bağlanıb.

Təşkilat sədri bildirib ki, sionistlərin məscidə etdikləri hücumlara qarşı fələstinlilər növbə ilə dəyişərək məscid mühafizə edir, zaman keçirdir və məscidi boş buraxmayırlar. 

Qeyd edək ki, adı çəkilən təşkilat hər gün 50 avtobusdan ibarət səfər təşkil etməklə ətraf ərazilərdə yaşayan fələstinliləri ibadət etmək üçün Məscidül-Əqsaya daşıyıb.