İslamazeri.az-ın Amerika mediasına istinadən verdiyi xəbərə əsasən, ABŞ mərkəzi kəşfiyyat idarəsinin (MKİ) direktoru Con Brennan İŞİD qruplaşması terrorçuları tərəfindən ABŞ-da da Türkiyədə bu həftə baş vermiş terror aktına bənzər terror-aktlarının törədilməsini planlaşdırdığını istisna etməyib.

O hesab edir ki, İŞİD terror aktlarını, İraq və Suriyada döyüş meydanında uğradığı uğursuzluqlar və itkilərin intiqamını almaq üçün törədir.

“Son 1,5 il ərzində onlar xaricdə terror-aktları törətmək üçün daha qətiyyətli səylər göstəriblər. Onların niyyətləri, planları, insanların göndərilməsi, təbliğatın aparılması, və çağırış və təhrikedici xarakterli çıxışları öz fəliyyətlərinin xaricdə həyata keçirilməsində daha qətiyyətli olduqlarını göstərir.” – deyə o bildirib.

Çərşənbə axşam günü 3 terrorçu-kamikadze İstanbul havalimanında özlərini partladıblar. Nəticədə 41 nəfər dünyasını itirib, 239 nəfər xəsarət alıb.