İslamazeri.az-ın “Fars" informasiya agentliyinə istinadən verdiyi xəbərə görə, Möhsün Qiraəti ölkənin Mədəniyyət Nazirliyinə etiraz edən tələbələrə xitab edərək belə deyib:  “Mən 30 il mədəniyyət nazirinin muavini olmuşam. Bu vaxt ərzində təlim-tərbiyə sahəsində 50 yanlış aşkarladım. Lakin bu problemlərin həlli üçün hansısa orqana müraciət etmədim. Siz də müvəffəq olmaq istəyirsinizsə, özünüzə arxalanmalı və problemlərin həlli üçün güc toplamalısınız. Təəssüf olsun ki, bizim bəzi rəsmilər yatıb və tələbələrimizin məlumatlanması barədə lazım olan addımları atmırlar”.

İranın tanınmış ustadı evliliyin cavanın ruhiyyəsində olan təsirinə toxunaraq isə belə bildirib: “Evlilik zamanında olmalı və təxirə salınmamalıdır. Əks halda mənfi nəticələri olacaqdır. Bu problemin həlli üçün hamılıqla qolumuzu çırmalamalıyıq. Həmçinin bu barədə olan yanlış adətləri də kənara qoymalıyıq”.

Qiraəti Quranın cəmiyyətdə təbliğinin zəruriliyini dilə gətirərək də belə deyib: “Siyasətçilərimiz lazımı qədər Quranla məşğul olsalar, öz fəaliyyətlərini daha gözəl formada icra edə bilərlər”.