haberL haberR

Mövsüm Səmədov atasının qırx mərasimi keçirilir

Kateqoriya: Ölkə Yayımlama tarixi: 12.02.2015 14:28:42

Azərbaycan İslam Partiyasının (AİP) sədri Hacı Mövsüm Səmədovun atasının 40 mərasimi keçirilir

"Bu gün "Mədinə gülü" sarayında  Mövsüm Səmədovun atası Mərdan Səmədovun 40 mərasimi keçirilir. Mərasimdə tanınmış ilahiyyatçılar və dindarlar iştirak edir".

Bu barədə islamazeri.az-a Azərbaycan İslam Partiyasının (AİP) sədr əvəzi Elçin Manafov deyib. O bildirib ki, mərasim saat 14:00-dan başlayıb: "Çox təəssüflər olsun ki, atasının gözünün ağı-qarası bircə oğlu olan Mövsüm Səmədov atasının 40 mərasiminə də buraxılmadı".

Xatırladaq ki, Azərbaycan İslam Partiyasının lideri Mövsüm Səmədovun atası Mərdan Səmədov uzun sürən xəstəlikdən sonra yanvarın 5-də dünyasını dəyişib. Mərhumun cənazəsi  yaşadığı Quba şəhərində yerləşən qəbiristanlıqda dəfn edilib.

Onu da qeyd edək ki, həbsdə olarkən anasını itirən Musavat partiyasının sədri Arif Hacılı və həbsdə olarkən atasını itirən  jurnalist Rauf Mirqədirova yas mərasimində iştirak etmək üçün izin verilmişdi.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.