haberL haberR

MTN-lə əməkdaşlıq etmiş "jurnalistlər"in siyahısı hazırlanır

Kateqoriya: Kriminal Yayımlama tarixi: 21.10.2015 18:08:00

Baş Prokurorluq "reket" jurnalistlərin siyahısını hazırlayır

Azərbaycan Milli Təhlükəsizlik Nazirliyində (MTN) aşkarlanmış qanun pozuntuları ilə bağlı yeni dəhşətli faktlar məlum olub.

İslamazeri.az aznews.az-aistinadən xəbər verir ki, araşdırma zamanı məlum olub ki, MTN-in nəzarətində bir sıra mətbuat orqanları var və onlar açıq reketçiliklə məşğuldur.

Həmin mətbuat orqanları vasitəsiylə hədəfə götürdükləri "obyekt" əvvəlcə "vurulur", onların "cinayət əməlləri", "korrupsiyaya yol vermələri" tirajlanır, sonra isə bunu əllərində əsas götürən MTN-çilər hərəkətə keçib soyğunçuluqla məşğul olurmuşlar.

Lakin həmin mətbu orqanların adları açıqlanmır.

Baş Prokurorluğun apardığı istintaqın gedişində həmin "reket" jurnalistlərin siyahısı hazırlanır.

Bildirilir ki, onlar yaxın zamanlarda istintaqa cəlb ediləcək və barələrində həbs qərarı çıxarılacaq. Bu istiqamətdə hüquq-mühafizə orqanlarında ciddi işlərin getdiyi və "reket jurnalistlər"in MTN-nin bir qrup zabiti ilə əməkdaşlıq çərçivəsində yol verdiyi cinayət tərkibli əməllərinin araşdırıldığı qeyd olunur.

Qeyd edək ki, oktyabrən 17-də prezident İlham Əliyevin sərəncamı ilə Eldar Mahmudov milli təhlükəsizlik naziri vəzifəsindən azad edilib.

Eldar Mahmudovun işdən çıxarılması fonunda MTN ətrafında baş verənlər ictimaiyyətin və medianın diqqət mərkəzindədir.

Baş Prokurorluğun yaydığı açıqlamada göstərilib ki, MTN-nin 7 əməkdaşı vəzifə səlahiyyətlərindən sui-istifadə edib və onların digər fəaliyyəti barədə digər qanun pozuntuları aşkarlanıb.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.