İslamazeri.az-ın "Əl Vəəm" saytına istinadən verdiyi xəbərə əsasən, Məkkə şəhərində məscidlərdən biri sökülür.

Məscid əhli zöhr namazını qılmaq üçün məscidə gəldiklərində, məscidin söküldüyünün şahidi olublar. Məscid rəhbərliyinin bildirdiyinə görə, məscid Ramazan ayından sonra sökülməli imiş. Lakin dövlət qurumlarının tələskənliyi və məscid rəhbərliyinə bir şey demədən məscidi bu cür dağıtmaları narahatçılıq yaradıb. Belə ki, məscidin içində olan heç bir əşya çıxarılmadan məscid sökülməyə başlayıb. Yayımlanan fotolarda, hətta Quran kitablarının dağıntılar altında qalmasını görmək olur.

Məscid əhli bu hadisəni törədənlərin cəzalandırılmasını tələb ediblər.