haberL haberR

Naməlum şəxs tərəfindən bıçaqlandı

Kateqoriya: Kriminal Yayımlama tarixi: 27.03.2015 13:21:43

Bu gecə Bakının Qaradağ rayonunda, Qobustan qəsəbəsində bıçaqlanma hadisəsi baş verib

İslamazeri.az apa-ya istinadən xəbər verir ki, hələlik şəxsiyyəti müəyyənləşdirilməyən şəxs Qobustanın "Yeni massiv" adlanan ərazisində 35 yaşlı Kərimov Səbuhi Rəhimxan oğlunu bıçaqlayıb. Bir neçə bıçaq xəsarəti alan Səbuhi Kərimov ətrafdan keçən şəxslər tərəfindən 1 saylı Şəhər Klinik Xəstəxanasına çatdırılıb. O, xeyli qan itirdiyindən və vəziyyəti ağır olduğundan təxirə salınmadan əməliyyat olunub. Həkimlər bir neçə saatlıq ağır əməliyyatdan sonra yaralının həyatını xilas edə biliblər. Xəstəxanadan verilən məlumata görə, Səbuhi Kərimovun vəziyyəti ağır olaraq qalır.

Qaradağ Rayon Polis İdarəsinin 11-ci Polis Bölməsindən  faktı təsdiqləyiblər. Bölmədən bildirilib ki, Kərimov Səbuhi Rəhimxan oğlunu bıçaqlayan şəxs hələlik müəyyən edilməyib. Yaralının vəziyyəti ağır olduğundan, onun ifadəsini almaq mümkün olmayıb.

Cinayətin üstünün açılması istiqamətində əməliyyat-axtarış tədbirləri həyata keçirilir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.