Bununla bağlı dövlət başçısı İlham Əliyev bu il iyulun 20-də sərəncam imzalayıb.  Prezidentin rəsmi saytının məlumatına görə. sözügedən sərəncamla bu sahədə indiyə kimi sərəncam verən Nəqliyyat Nazirliyinin səlahiyyəti «Azəravtoyol» ASC-yə verilib.

«Avtomobil yolları» Məqsədli Büdcə Fondu yol vergisi, sadələşdirilmiş vergi, aksizlər, dövlət rüsumları və dövlət büdcəsindən bəzi ayırmalar hesabına formalaşır.

Dəyişikliyə əsasən, bu sahədə tətbiq edilən cərimələr də Fonda yönəldiləcək.

Son 3 ildə Nəqliyyat Nazirliyinin bir sıra səlahiyyətləri alınıb, bu nazirliyə daxil olan bəzi strukturlar kənar qurumlara verilib. Bura taksi fəaliyyətindən ötrü verilən lisenziyalardan tutmuş, yollara nəzarətə qədər bir sıra səlahiyyətlər daxildi