İslamazeri.az “lenta.ru” saytına istinadən xəbər verir ki, finlandiyalı Yani adlı 10 yaşlı uşaq Facebook şirkətinə məxsus “Instagram”-ın zəif nöqtəsini tapdığı üçün, şirkət tərəfindən 10 min dollar mükafat alıb.

Söhbət başqa istifadəçilərin şərhlərini silməyə icazə verən bug`dan (səhvdən) gedir.

Yani saytdakı nasazlığı hələ fevral ayında tapıb, və dərhal da şirkəti bu barədə xəbərdar edib. Nazaslığı yoxlamaq üçün xüsusi istifadəçi adı yaradılıb. Facebook nümayəndələrinin sözlərinə görə, nöqsan tez bir zaman içərisində aradan qaldırılıb və Yani öz mükafatını alıb.

Bununlada Yani sosial şəbəkədə nasazlıq tapmış ən gənc insan oldu.

Ona qədər nasazlıq tapmış ən gənc insan 13 yaşlı şəbəkə istifadəçisi idi.

2015-ci ilin avqustunda britaniyalı mühəndis Reza Moyandin “Facebook”-da şəxsi məlumatların qorunmasında zəif nöqtə tapır.

Sosial şəbəkədə “Kim məni axtara və tapa bilər?” kökləməsi “Hamı” kimi quraşdırılıb. Bu o deməkdir ki, istifadəçi profilini istənilən adam axtara bilər. Problem isə istifadəçinin öz mobil nöömrəsini gizlətdiyi halda belə, axtarış zamanı çıxmasında idi.