Anaları bala itkisinə inandırmaq heç də asan olmur. Bir müddət əvvəl övladını məzarlığa qucağında aparıb dəfn edən ana hələ də onun yaşadığına şübhə etmir. 
Bu gün Xətai Rayon Polis İdarəsi bir neçə gün əvvəl yoxa çıxmış qadının axtarışına başlayıb. Milli.az-a göndərilən məlumatda deyilir ki, M. Davud küçəsi, ev 59A-da yaşayan İradə Sadıqova avqustun 2-də evdən çıxıb və bir daha geri qayıtmayıb.  İ. Sadıqova bir müddət əvvəl azyaşlı balasını itirib. Bundan sonra onda psixi pozğunluq yaranıb. Onun evdən çıxıb gedərkən görüntüləri kameraya düşüb. Avqustun 2-də evdən çıxaraq taksiyə əyləşib. Həmin taksinin sürücüsü polisə ifadəsində bildirib ki, qadın ona uşağının yetimxanaya qoyulduğunu, amma onun öldüyünə inandırmağa çalışdıqlarını deyib. Ona görə də yetimxanalara gedərək uşağını tapacağını bildirib. (milli.az)