İslamazeri.az-ın “Ria”-ya istinadən verdiyi xəbərə görə, Özbəkistanda növbədənkənar prezident seçkilərinə start verilib. Prezidentliyə namizəd hazırkı prezident İslam Kərimovla yanaşı, parlamentin “Milliy Tıklanış” fraksyasının üzvü Akmal Saidov, Özbəkistanın Xalq Demokratik Partyasının sədri Xatəmcan Ketmenov və “Adolat” Partiyasının icrayə komitəsinin sədri  Nariman Umarovdur.

Növbədənkənar prezident seçkiləri Özbəkistanda martın 19-dan 27-nə kimi davam edəcək. Son nəticələr isə mart ayının 29-u elan ediləcək.  Seçilən prezident 5 il müddətində öz vəzifəsini icra edəcək.

Qeyd edək ki, sonuncu dəfə Özbəkistanda prezident seçkiləri 2007-ci ildə keçirilib və Özbəkistana 1989-cu ildən başçılıq edən İslam Kərimov prezident seçilib.