İslamazeri.az-ın “Presstv”-yə istinadən verdiyi xəbərə əsasən, Pakistanın Pəncab şəhərinin məsullarından olan Rəna Sənaullah Lahur şəhərində baş verən terror aktı ilə bağlı açıqlamalar verib.

Sənaullahın sözlərinə görə 23-ü uşaq olmaqla 70 nəfərin ölümünə səbəb olan partlayışla bağlı 5 min nəfər şübhəli şəxs qismində saxlanılıb.

Onun sözlərinə görə, onların çoxu sərbəst buraxılıb və hazırda 216 nəfər araşdırılır.

Bu açıqlamadan sonra Taliban terrorçuları yeni mesaj yayaımlayıblar. "Taliban" sözcüsü Ehsanullah Ehsan ölkənin baş naziri Nəvaz Şərifə səslənərək deyib: “Biz Lahur şəhərinə daxil olmuşuq və öz əməliyyatlarımızı da icra edirik. Heç kim bizim qarşımızı ala bilməz. Bizim hədəfimiz şəhərdə olan xristian kütlələrinə zərbə endirməkdir. Biz yaxın günlərdə daha çox əməliyyatlar keçirəcəyik."