İslamazeri.az xəbər verir ki, bu dəfə ,o, qalmaqal yarada biləcək cavabları ilə diqqətə və sələfilərin müzakirələrinə səbəb olan açıqlama verib.

Belə ki, ona ünvanlanan Elşad Miri ilə bağlı "Salam aleykum. Qamət qardaş Elşad Miri haqqında nə deyə bilərsiz? Son zamanlar onun haqqında yaxşı sözlər eşitmirik. Sünnəni vəhydən saymadığını eşitmişik. Xahiş edirik, bu məsələ ilə maraqlanın. Çox ciddi məsələdir." sualına belə cavab verib: "Va aleykumus salam va rahmatullahi va barakatuhu! Mən onun barədə çoxdan deyirəm ki, o, şəri elm tələbəsi deyil. Ona sual verməyin, ondan fətva götürməyin. O, adi jurnalistlərdən biridir. Mən bunu çoxdan deyirəm. Nəinki, indi".

Sələfi liderinin digər suala cavabı isə daha sərt olub. Söhbət ölkədə kifayət qədər sələfilər arasında nüfuza sahib olan Əlixan Musayevdən gedir. Sualı və cavabı təqdim edirik: "Şeyx sizə belə bir sualım var: Əlixan Musayevə salam vermək olar?!!".

Cavab: "O, bidətçilərin, hizbçilərin başında gedənlərdən biridir. Ona görə ona salam verməsəniz daha yaxşıdır. Lakin salam versə, alın".

Qamət Süleymanovun bu açıqlamalarında adı hallanan Elşad Miri və Əlixan Musayevin cavab haqqını yayımlamağa hazırıq...