haberL haberR

Qətər Yəmənə 1000 əsgər göndərib

Kateqoriya: Yaxın Şərq Yayımlama tarixi: 08.09.2015 11:10:00

“Ənsarullah” döyüşçülərinin ağır zərbəsindən sonra Qətər Yəmənə əsgər yollayıb

İslamazeri.az-ın “On4 haber”-ə istinadən verdiyi xəbərə görə, Səudiyyə Ərəbistanı və müttəfiqləri “Ənsarullah” döyüşçülərindən aldığı zərbədən sonra Qətər Yəmənə quru qoşunları göndərib. Beləki, Qətər Yəmənə 1000 əsgər göndərib. Qətər əsgərləri 200 zirehli avtomobil və 30 “Apache” vertolyotu ilə Əl-Cəuf vilayətində düşərgə salıb. Göndərilən qüvvələrin Yəmənin Mərib vilayətinə də dəstək verəcəyi bildirlir. 

Xatırladaq  ki, “Ənsarullah” döyüşçüləri və Yəmən Ordusu öz növbəsində Səudiyyənin Cizan və Nəcran vilayətlərində və Yəmənin Mərib, Taiz və digər cəbhələrində Səud və müttəfiqlərinə zərbələr endirməyə davam edir.

Qeyd edək ki, Səudiyyə Ərəbistanı və müttəfiqlərinin mart ayının 26-dan Yəmənə qarşı başlatdığı təcavüz nəticəsində minlərlə mülki vətəndaş həlak olub, minlərlə vətəndaş isə yaralanıb. Yüz minə yaxın insan öz evlərindən didərgin düşüb. Minlərlə yaşayış binası, məktəb, xəstəxana və digər sosial obyektlər dağıdılıb. Yəməndə humanitar vəziyyət Səudiyyə və müttəfiqlərinin havadan və qurudan tətbiq etdiyi blokada səbəbindən günü-gündən pisləşir. Humanitar təşkilatlar Yəmənə yetərli diqqət ayırmırlar. Dünya ictimaiyyəti bəzi ölkələr çıxmaq şərti ilə Səudiyyə Ərəbistanının bu vəhşiliyinə göz yummaqdadır. 

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.