haberL haberR

Qızı Mövsüm Səmədova məktub yazdı

Kateqoriya: Həyat Yayımlama tarixi: 04.09.2016 12:34:02

Bu gün Mövsüm Səmədovun ad günüdür

Bu münasibətlə AİP liderinin qızı Zəhra Səmədova atasına məktub yazıb.

Zəhra Səmədova tərəfindən İslamazeri.az-a təqdim edilən məktubu olduğu kimi yayımlayırıq:

"Bağışlayan və Mehriban Allahın adıyla

Salam Atacan. Ümüd edirəm ki, aclıq keçirdiyin bu günlərdə halınız yaxşı olsun və başlatdığınız mübarizə Allahın köməyi ilə təsirli olsun, millətimiz və xalqımızı düşündürsün. Sizin işləriniz bizə ümüd bəxş edərək, məqsədimizi xatırladır. Puç və zillətli bir həyatdan uzaqlaşdıran məqsədləri. Həzrət İmam Hüseynin (ə) (canımız ona fəda olsun) hədəflərini. İnsanı boğan və insaniyyəti məhv edən sükütu qırıb, bu yorucu həyatı kənara ataraq insaniyyət, şərəf və ədalət uğrunda söz açıb danışmaq, düşünmək və ona əməl etmək bəzən çətin olsa da, lakin insaniyyətə xas və yaraşandır.

İmamlarımız (ə) necə əməl etdilərsə, əgər müsəlman və şiəyiksə (Əhlibeyt tərəfdarıyıqsa) , biz də elə əməl etməliyik, kafirləri narahat etsə belə. Bunları əməldə sizdən öyrəndim və öyrənirəm.

Atacan, sizə təşəkkür edirəm və sizinlə fəxr edirəm. Allahdan Sizə ömrünüzün yeni ilində zəfər, dünya və axirət səadəti, hədəflərinizdə müvəffəqiyyət və can sağlığı diləyirəm. Həmişə, sonacan sizinləyik, İnşa-Allah.

Dualarınızda bizi də yad edin. Bütün vücüdumla sizi sevirəm və sizin kimi Ata bəxş etdiyinə görə Allaha bilmirəm necə şükr edim?

Əziz atam, ad gününüz mübarək və bərəkətli olsun! İnşa-Allah.

Hörmətlə: qızın Zəhra"

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.