İslamazeri.az-ın Türkiyə mediasına istinadən verdiyi xəbərə görə, Qüds müftisi Şeyx Məhəmməd Hüseyn Məscidül-Əqsada növbə gözləyən və elm öyrənən kişi və qadınların məsciddən uzaqlaşdırılmasını qınayıb.

Dünən Məscidül-Əqsada xütbə verən Şeyx Məhəmməd Hüseyn İsrail  işğal rejiminin tətbiq etdiyi uzaqlaşdırma və sürgün siyasətinin Qüds xalqının məscidə gələrək namaz qılmalarına və Məscidül-Əqsanı qorumalarına mane ola bilməyəcəyini qeyd edib.

Müfti bildirib ki, İsrail işğal rejimi Məscidül-Əqsanı zaman və məkan olaraq ikiyə bölə bilməz. Məscidül-Əqsaya edilən hücum bütün dünya müsəlmanlarına qarşı edilən hücumdur.

Şeyx Məhəmməd Hüseyn xütbəsinin sonunda bildirib ki, sionist rejimi müsəlmanların birliyini heç vaxt qıra bilməyəcək və Fələstin xalqı Məscidül-Əqsanın müdafiəsindən əsla vaz keçməyəcək.