İslamazeri.az-ın "Fələstin" xəbər agentliyinə istinadən verdiyi xəbərə görə, "İslami Cihad" hərəkatının lideri Raid Salah işğal rejiminin Məscidül-Əqsayla bağlı böyük plana hazırlaşdığını və onlara bu barədə ərəb ölkələrindən xəbərdarlıqlar gəldiyini söyləyib.

Şeyx Raid Salah dünən "Al-Quds" kanalında yayımlanan teleproqramların birində etdiyi açıqlamada sionistlərin  Məscidül-Əqsayla bağlı böyük planlarının olduğuna diqqət çəkərək, belə deyib:
"İşğal rejiminin ömrü o planları həyata keçirməyəcək qədər qısa olacaq".

Yaxında sionist partiyaların seçkilər üçün kəskin rəqabətə girəcəyini vurğulayan Raid Salah fələstinlilərin bu planların qarşısını almağa hazır olduqlarını bildirib.

O, nitqinin sonunda deyib ki, işğal rejimi Qüds xalqını Məscidül-Əqsadan uzaqlaşdırmaq üçün 4 yardım təşkilatını bağlatdırıb.