İslamazeri.az-ın “Presstv”-yə istinadən verdiyi xəbərə görə, nazirliyin funksionerlərindən olan Məhəmməd Cəfər Safi bu məsələyə toxunaraq bildirib: “Agentliyin bir sıra nümayəndəsi İrana gələrək, bizimlə görüş keçirdilər. Görüş zamanı agentlik işçilərinə, keçmiş fəaliyyətlərinə son qoyulma barədə problemlər izah olundu. Dediyimiz səbəblər onlar tərəfindən də qəbul olundu, lakin hazırda "Reuters"-in ölkədə fəaliyyəti üçün hər hansı maneə yoxdur. Onlar istədikləri zaman qanun çərçivəsində olmaq şərti ilə Tehrana geri dönə bilərlər.”

Qeyd edək ki, 4 il bundan öncə iranlı hərbçi qadınları “adam öldürənlər” adlandırdığına görə "Reuters" agentliyinin fəaliyyəti dondurulmuşdu.