İslamazeri.az-ın “Mehr”-ə istinadən verdiyi xəbərə əsasən, insanın ilinin gözəl olmasının onun Ramazanından bəlli olduğunu deyən Ayətullah Cavadi Amuli bildirib: “Bu məsələ, İmam Sadiqdən (ə) olan bir hədisdə yer alıb. Bu mübarək ay təbliğ üçün gözəl fürsətdir. Təbliğ zamanı yaşlılar və yeniyetmələrin dərki çərçivəsində söhbət edin. Ruhanilərin daima iki növ məclisi olamlıdır. Bir məclis ümumi kütlə üçün, digəri isə xüsusi insanlar üçün. İslam təbliğatçıları Əhli-beytin nümayəndələridirlər. Allahın mərhəmətinin kənarında qəzəbindən söz açdığımız kimi, digər dini məsələləri də bu səpkidə təbliğ etməliyik. Çünki yalnız rəhmətdən danışmaq qürur, yalnız qəzəbdən söz açmaq isə ümüdsizliyə səbəb olar.”