İslamazeri.az-ın "Spuniknews"-a istinadən verdiyi məlumata görə, Rusiya Müdafiə Nazirliyinin mətbuat katibi İqor Konaşenkov rus döyüş təyyarələrinin Suriyada son 24 saat ərzində keçirilən 53 hava əməliyyatında 55 İŞİD hədəfini vurduğunu açıqlayıb.

Konaşenkov əməliyyatlar zamanı İŞİD-in əlindəki komanda mərkəzləri, hərbi sursat anbarları və terrorçuların nəzarət məntəqələrinin vurulduğunu bildirib.
Əməliyyatların detallarını bölüşən Konaşenkov "SU-34 hərbi təyyarələri İdlibdə terorçuların təlim keçdiyi bir düşərgəni aşkar edib. Aldığımız məlumata görə, bu düşərgə digər ölkələrdən gələn terrorçuların toplanma nöqtəsi kimi istifadə olunurdu", - deyə bildirib.

Rus döyüş təyyarələrinin Lazkiyədə yeraltı sığınacaq və sursat anbarları olan geniş nəzarət nöqtəsini də vurduğunu bildirən Konaşenkov hədəfin tamamilə məhv edildiyini vurğulayıb.

Konaşenkov son 24 saat ərzində keçirilən əməliyyatlarda məhv edilən obyektləri də belə sıralayıb:
1. Möhkəmləndirilmiş bir sığınacaq
2. Yeddi komanda mərkəzi
3. Altı təlim düşərgəsi
4. Altı sursat anbarı.