İslamazeri.az-ın “Ria”-ya istinadən verdiyi xəbərə görə, Rusiyanın məşhur müxalifətçilərindən olan və 1990-cı illərdə baş nazirin birinci müavini işləmiş Boris Nemtsov qətlə yetririlib. Hadisə Moskva şəhərinin mərkəzində yerləşən Böyük  Moskvoreçkiy körpüsündə yerli vaxtla saat 23:40 radələrində baş verib. Boris Nemtsov rəfiqəsi ilə gəzinti zamanı naməlum şəxslər  tərəfindən avtomobildən açdıqları atəş nəticəsində qətlə yetirilib. Boris Nemtsov çiynindən aldığı 4 güllə yarası ilə yerindəcə keçinib.

Qeyd edək ki, bəzi ekspertlər müxalifət liderinin öldürülməsində digər ölkələrin xüsusi xidmət orqanlarının əlinin olduğunu iddia edirlər.