İslamazeri.az-ın “bashinform.ru”-ya istinadən verdiyi xəbərə görə, Rusiyanın baş müftisi vəzifəsini icra edən Talqat Tacuddin öz vəzifəsini tərk etmək istəyir.  O, özündən sonra bu vəzifəyə Tatarıstanın müftisi olan Kamil Samiqulini təyin etmək niyyətindədir. Bu bəyanatı Talqat Tacuddin Bulqar şəhərində Hz. Məhəmməd peyğəmbərin (s) mövludu münasibətilə keçirilən tədbirdə jurnalistlərlə görüşü zamanı verib. Yeni təyinatın may ayının 4-də Rusiya Müftilər Şurasının iclasında baş tutacağını bildirib.

Bundan əlavə baş müfti İslam adından törədilən cinayətlərin səbəbkarlarını ABŞ Mərkəzi Kəşfiyyat Agentliyinin casus və muzdluları olduğunu bəyan edib.  Onlarla mübarizə aparmaq üçün birləşməyin zəruriliyini vurğulayıb.