haberL haberR

Sabah Qafqazın ən böyük məscidinin rəsmi açılışı olacaq (Ekskluziv)

Kateqoriya: İslam Yayımlama tarixi: 25.12.2014 12:44:28

Sabah Binəqədi rayonunun ərazisində inşa edilən Heydər məscidinin rəsmi açılış mərasimi keçiriləcək

İslamazeri.az-ın əldə etdiyi məlumata görə, açılış mərasimində Prezident İlham Əliyev, Qafqaz Müsəlmanları İdarəsinin sədri Şeyxülislam Hacı Allahşükür Paşazadə, Dini Qrumlarla İş üzrə Dövlət Komitəsinin sədri Mübariz Qurbanlı o cümlədən tanınmış ilahiyyatçılar, axundlar, ictimaiyyət xadimlərinin iştirakı gözlənilir.

Məlumata görə, açılış mərasimində Cümə namazıının qılınması da gözlənilir.

 

Qeyd edək ki, inşa olunan bu yeni məscid 12 min kvadratmetr sahədə salınıb. Məscidin fasadında bütün işlər görülüb, 95 metr hündürlüyündə 4 minarənin inşası başa çatdırılıb.

Ümumi sahəsi 4200 kvadratmetr olan məscidin daxilində də tamamlama-bəzək işləri başa çatıb. Burada da xüsusi bəzək elementlərindən istifadə olunub, günbəzin kənarlarına Quran ayələri yazılıb. Hündürlükləri 55 metr və 35 metr olan baş və ikinci günbəzlər məscidin daxilinə xüsusi gözəllik verir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.