haberL haberR

Sabunçu qəsəbəsindəki yanğın neft çəlləklərinə çox yaxınlaşdı

Kateqoriya: Kriminal Yayımlama tarixi: 08.08.2015 10:40:40

Məzarlığın ot örtüyündən başlayan yanğın tez bir zamanda ətrafa yayılıb

Sabunçu rayonundakı qəbiristanlıqlardan birində yanğın faktı qeydə alınıb. Alovun yaxınlıqdakı neft çəlləklərinə keçməsinin qarşısını almaq mümkün olub
Sabunçu rayonu Böyük Şor qəsəbəsində yerləşən qəbiristanlıq ərazisində yanğın baş verib. Məzarlığın ot örtüyündən başlayan yanğın tez bir zamanda ətrafa yayılıb.
Əraziyə cəlb edilən yanğınsöndürənlər çətinliklə olsa da, yanğının yaxınlıqda yerləşən neft çəlləklərinə keçməsinin qarşısını ala bilib.
Hadisə nəticəsində bir çox qəbirlərə ziyan dəyib. Təxminən bir neçə saata yaxın davam edən əməliyyatın sonunda yanğının qarşısı alınıb.
“15 nəfərdən ibarət yanğınsöndürənlərin iştirakı ilə yanğın tam olaraq söndürülüb. Hazırda yanğının digər ərazilərə keçmə ehtimalı yoxdur. İlkin olaraq yanğın ehtiyyatsızlıq səbəbindən baş verib”, – deyə yanğınsöndürən briqadasının rəisi Tərlan Hüseynov bildirib. 
Hadisənin qəsdən və ya ehtiyyatsızlıqdan törədilməsi istiqamətində isə araşdırmalar aparılır.(anspress.com)

 
Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.