İslamazeri.az-ın Türkiyə mediasına istinadən verdiyi xəbərə görə, Türkiyədə Mütəşəkkil Cinayətkar dəstənin lideri kimi tanınan Sedat Peker özünün rəsmi saytında şok çağırışa imza atıb.

Peker,  referendumda xalqdan PKK məsələsini, Ermənistanın torpaq iddiasında olduğu ərazilərdən vaz keçməsini, beləliklə qalan torpaqlarda normal həyat yaşamağımı, nəticəsi nə olursa olsun dirənib torpaqların müdafiəsinimi qəbul etdiklərini sormaq lazım olduğunu yazıb: "Əgər uca millətimiz ölkəmizin yarısına yaxın ərazisinini verib, qalan torpaqlarımızda imkanlarımız nisbətində bir az daha firəvan yaşayaq deyirlərsə, Vətən Övladlarının şəhid olmasına gərək duymadan millətimizin istəyiyə əsasən bu torpaqlardan vaz keçməliyik. Ancaq uca millətimiz referendumda digər variantı seçərlərsə, bəzi addımları atmalıyıq."

Tanınmış kriminal avtoritet daha sonra, ölkə daxilində xainlərin cəzalandırılmasını tələb edib.

Onun daha sonra səsləndirdiyi bu fikirləri terrora çağırış kimi də dəyərləndirmək olar: "Rusiyanın bizim terrorçu saydığımız PYD-yə Moskvada təmsilçilik açma izni verirsə, buna cavab olaraq biz də Çeçen mücahidlər üçün Ankarada təsmi təmsilçilik açma izni verilməlidir. Rusiya Xüsusi Xidmət Orqanları PKK və PYD silahlılarına daha peşakar partlayışlar törətməsi üçün təlim etdiyi kimi, bizim Xüsusi Xidmət Orqanlarımız da çeçen mücahidlərə təlim verməli, Moskvanın ortasında (bombalı) akt həyata keçirmələrinə dəstək verməlidirlər (bu partayışdan sonra da ilk üzüntüyü bildirən ölkə də, biz olmalıyıq. Qızılaydakı partlayışdan həmən sonra Rusiyanın bizə etdiyi iyrənclik kimi)."