haberL haberR

Şəhid ailəsi dözülməz vəziyyətdə yaşayır - (Foto)

Kateqoriya: Mərhəmət Yayımlama tarixi: 16.01.2015 12:58:57

Şəhid Səfər Bəyməmməd oğlu Lətifovun ailəsi dözülməz vəziyyətdə yaşayır

İslamazeri.az-ın verdiyi məlumata görə, Qarabağ Azadlıq Təşkilatı İdarə heyətinin üzvü Mahirə Muradova, mətbuat xidmətinin əməkdaşları Əzizə Muradova, Ələsgər Hacıyev Bakı şəhəri, Nizami rayonu, Rüstəm Rüstəmov küç, bina 24, mənzil 58 ünvanında yaşayan şəhid ailəsinə baş çəkiblər.

Ailə başçısı Səfər Bəyməmməd oğlu Lətifov 1994-cü ilin yanvar ayında Füzuli rayonu ərazisində gedən döyüşlərdə həlak olub. Həyat yoldaşı Sahibə Lətifova bu illər ərzində bütün əziyyətlərə dözüb, övladlarını çətinliklə böyüdüb, hazırda qızı, anası, nəvələri ilə birlikdə (cəmi 5 nəfər) acınacaqlı vəziyyətdə yaşayırlar.

QAT bu haqda məlumat yayıb. Məlumatda deyilir ki,  Sahibə xanım binalara suvermə şəbəkəsində texniki işçi kimi çalışır, 160 manat maaş alır, bir də şəhid ailəsi olduqları üçün 200 manat vəsait alırlar, başqa gəlir yerləri yoxdur, çox kasıb vəziyyətdə yaşayırlar, ehtiyac üzündən banklara da borcları yaranıb. Yaşadıqları mənzil həm darısqal, həm də miskin əziyyətdədir, hec bir təmiri yoxdur. Şəhid ailəsi ağır vəziyyətdədir, çıxılmazlıqdan bizə müraciət ediblər. Biz bu ailənin vəziyyəti ilə bağlı Əmək və Əhalinin Sosial Müdafiəsi naziri Səlim Müslümova, Nizami rayon icra hakimiyyətinin başçısı Tahir Budaqova müraciət edirik ki, bu ailəyə kömək etsinlər. Şəhid ailəsinə yardım etmək, kömək olmaq hamının borcudur. Şəhid ailəsinin bu vəziyyətdə yaşaması hamımız üçün təhqirdir.

Yayımlanan xəbərlərin bütün haqları “İslamazeri” İnternet Qəzetinə aiddir. İstinad edilmədən məlumatların, video və fotoların götürülməsi qadağandır.
© Copyright 2006 İslamazeri.az - "İslamazeri" internet qəzeti. Bütün hüquqları qorunur.
İcazəsiz və mənbə göstərilmədən yayımlana bilməz.